03rd October 2025 16:45:36 Hours
1 වන බලකායේ බළකාධිපති කමාන්ඩෝ රෙජිමේන්තු අධිපති මේජර් ජෙනරාල් කේ එච් එම් එස් වික්‍රමරත්න ආර්එස්පී ජ්‍යෙෂ්ඨ නිලධාරිතුමන්ගේ මඟපෙන්වීම යටතේ සේවාවනිතා ශාඛා සභාපතිනි සමින්දි වික්‍රමරත්න මහත්මියගේ නායකත්වයෙන් යුතුව කමාන්ඩෝ රෙජිමේන්තු සේවා වනිතා ශාඛාව 2025 සැප්තැම්බර් 13 වන දින 0930 ට මහරගම අපේක්ෂා රෝහලේ සුභසාධන වැඩසටහනක් පවත්වන ලදී.
අපේක්ෂා රෝහලේ නේවාසිකව ප්‍රතිකාර ලබන පිළිකා රෝගීන්ට ආදරය, සැලකිල්ල සහ දිරිගැන්වීම ලබා දීමේ උදාර අරමුණින් මෙම සංචාරය සංවිධානය කරන ලදී. සේවා වනිතා ශාඛාවේ සභාපතිතුමිය සහ සාමාජිකයින් සමඟ එක්ව, රෝගීන් හට සැනසීම ගෙන ඒම සහ ඔවුන්ගේ ආත්මයන් නඟා සිටුවීමේ අරමුණින්, පෝෂ්‍යදායී ආහාර පැකට්, දෛනික අත්‍යවශ්‍ය ද්‍රව්‍ය බෙදා දුන් අතර, ඔවුන්ගේ සුවවීමේ ගමනේදී ඔවුන්ට සැනසීම ගෙනඒම සහ ඔවුන්ගේ ආත්මයන් නඟා සිටුවීමේ අරමුණින් මෙම සංචාරය සිදුකරන ලදී.
සමින්දි වික්‍රමරත්න මහත්මියගේ දැක්ම සහ නායකත්වය යටතේ ක්‍රියාත්මක වන මෙම මුලපිරීම හමුදා ප්‍රජාවෙන් ඔබ්බට මනුෂ්‍යත්වයේ බැඳීම් ශක්තිමත් කරමින් සුභසාධනය, දයානුකම්පාව සහ සමාජ වගකීම ප්‍රවර්ධනය කිරීම සඳහා සේවාවනිතා ශාඛාවේ ස්ථිර කැපවීම නැවත වරක් පෙන්නුම් කරයි.
