20th August 2025 21:20:15 Hours
මේජර් ජෙනරාල් පී එස් ජේ ඩී සමරසේකර ආර්එස්පි යුඑස්පී එන්ඩීසී පීඑස්සී සහ මේජර් ජෙනරාල් එම් ආර් රාසික් ආර්එස්පී එන්ඩීයූ යන ජ්‍යෙෂ්ඨ නිලධාරීන් මේජර් ජෙනරාල් නිලයට උසස්වීමට ගෞරවය දැක්වීම වශයෙන් එම ජ්‍යෙෂ්ඨ නිලධාරීන් හට 2025 අගෝස්තු මස 19 වන දින උත්සව මාලාවක් කමාන්ඩෝ රෙජිමේන්තු මධ්‍යස්ථානය - ගණේමුල්ල කදවුරේදී පවත්වන ලදී. මෙම අවස්ථාවෙදී කමාන්ඩෝ රෙජිමේන්තු සම්ප්‍රදාය අනුව එම ජ්‍යෙෂ්ඨ නිලධාරීන් හට කමන්ඩෝ රෙජිමේන්තුව වෙනුවෙන් විශේෂිත වු ගෞරවයක් පිරිනමනු ලැබීය.
ඒ අනුව, මේජර් ජෙනරාල් පී එස් ජේ ඩී සමරසේකර ආර්එස්පි යුඑස්පී එන්ඩීසී පීඑස්සී ජ්‍යෙෂ්ඨ නිලධාරි සහ මේජර් ජෙනරාල් එම් ආර් රාසික් ආර්එස්පී එන්ඩීයූ යන ජ්‍යෙෂ්ඨ නිලධාරීන් කමාන්ඩෝ රෙජිමේන්තුවේ නියෝජ්‍ය සේනාවිධායක වශයෙන් කටයුතු කරනු ලබන ලුතිතන් කර්නල් කේ වී ටී එස් කැකුලාවල එල්එස්සී යන ජ්‍යෙෂ්ඨ නිලධාරි විසින් පිළිගැනීමෙන් අණතුරුව රෙජිමේන්තු මධ්‍යස්ථානයේදී කඳවුරු මුරයකින් සහ සම්මාන මුරයකින් ගෞරවාන්විතව පිළිගනු ලැබීය.
ඉන්පසු, එම ජ්‍යෙෂ්ඨ නිලධාරින් කමාන්ඩෝ යුධ විරුවන්ගේ අනුස්මරණ ස්මාරකය වෙත පුෂ්පෝපහාර පුදකරමින් මවුබිම වෙනුවෙන් ජීවිත පරිත්‍යාගයන් සිදුකරන ලද කමාන්ඩෝ විරුවන්ට තම ගෞරවය පුදකිරිමෙන් අනතුරුව නිලධාරි නිවස්නය ඉදිරිපිට දී නිලධාරීන් සමගින් සාමුහික ඡායාරූපයකටද පෙනී සිටින ලදි.
පසුව, එම ජ්‍යෙෂ්ඨ නිලධාරින් දෙදෙනා මෙරුන් ලෙගසි දේශන ශාලාවේදී කමාන්ඩෝ සාමාජිකයින් අමතමින් ඔවුන් තම වසර තිහකට අධික සේවා කාලය සිහිගන්වමින් තම යුධ හමුදා ජීවිතයේ සාර්ථකත්වයට දායකත්වය දැක්වු කමාන්ඩෝ ප්‍රවීණයන්ට, ජ්‍යේෂ්ඨ නිලධාරීන්ට, නිලධාරීන්ට, ජ්‍යෙෂ්ඨ කොමිෂන් නොලත් නිලධාරීන්ට සහ කොමිෂන් නොලත් නිලධාරීන්ට ඔවුන්ගේ හදපිරි කෘතඥතාවය පළ කරන ලදි. එසේම, කමාන්ඩෝ සාමාජිකයෙකු වශයෙන් තම ගෞරවය රැකගැනීමට හා එකමුතුවභාවයකින් යුතුව එකට වැඩ කිරීමේ වැදගත්කම දැඩිව අවධාරණය කරමින් හරවත් දේශණයක් පවත්වන ලද අතර, පසුව සියලු නිලයන් එක්ව පිහිණුම් තඨාක පරිශ්‍රයේ පැවැති තේ පැන් සංග්‍රය සඳහා සහභාගී වන ලදි.
තවද, මෙම අවස්ථාවට කමාන්ඩෝ බළසේනාවේ බළසේනාධිපති බ්‍රිගේඩියර් කේ වී අයි එල් ජයවීර යූඑස්පී ජ්‍යෙෂ්ඨ නිලධාරි තුමා ඇතුලු රෙජිමේන්තු මන්ත්‍රණ සභාවේ ජ්‍යෙෂ්ඨ නිලධාරීන් කිහිප දෙනෙකු මෙන්ම කමාන්ඩෝ නිලධාරීන් සහ සෙබළුන්ගේ සහභාගීත්වයෙන් මේජර් ජෙනරාල් නිලයට පත් කමාන්ඩෝ රෙජිමේන්තුවට අයත් ජ්‍යෙෂ්ඨ නිලධාරීන් දෙදෙනා වෙනුවෙන් ගෞරවය පුදකරන ලද විශේෂිතවු අවස්ථාවක් වශයෙන් පෙන්වා දිය හැකිය.
