12th September 2023 06:00:00 Hours
2023 සැප්තැම්බර් මස 08 දින සිට 2023 සැප්තැම්බර් මස 10 දින දක්වා පනාගොඩ යුධ හමුදා ශාරීරික අභ්‍යාස පුහුණු පාසලේ පැවති යුධ හමුදා අන්තර් රෙජිමේන්තු හෑන්ඩ්බෝල් තරඟාවලියේදී සංඥා බලකාය නියෝජනය කරමින් තරඟ වැදුණු තරඟ කණ්ඩායම අනෙකුත් ප්‍රතිවාදී තරඟ කණ්ඩායම් සමඟ උරින් උර ගැටී ක්‍රීඩා කුසලතා කිහිපයක් ප්‍රදර්ශනය කරමින් තරඟාවලියේ දෙවන අනුශූරතාවය ශ්‍රී ලංකා සංඥා බලකාය වෙත අත්කර ගැනීමට සමත්විය.
25th May 2023 00:00:00 Hours
ශ්‍රී ලංකා සංඥා බලකායට අයත් බ්‍රිගේඩියර් ජීජීඒ ගුණසේකර යූඑස්පී ජ්‍යෙෂ්ඨ නිලධාරී වසර 33 කට වැඩි කාලයක් ශ්‍රී ලංකා යුධ හමුදාව වෙත කීර්තිමත් සේවාවක් කර 2023 මැයි 25 දින යුධ හමුදා සේවයෙන් විශ්රාම ගන්නා ලද අතර, විශ්රාම ගැනීම නිමිත්තෙන් යුධ හමුදා සම්ප්‍රදායන්ට අනුකූලව පනාගොඩ ශ්‍රී ලංකා සංඥා රෙජිමේන්තු මූලස්ථාන පරිශ්‍රයේදී වැඩසටහන් මාලාවක් පවත්වන ලදී.
04th April 2023 00:00:00 Hours
සංඥා බලසේනාධිපති කර්නල් එච්ඩීජේපී වීරතුංග සිය ධූරයට පත්වීමෙන් අනතුරුව අප්රේල් 04 වන දින සිට අප්රේල් 23 දක්වා 1 බළකාය, ආසේමු(යා), ආසේමු(ව), සහ ආසේමු(නැ) යටතේ ඇති සංඥා රෙජිමේන්තු වෙත සිය මංගල නිල සංචාරය සිදු කරන ලදී. ප්‍රථමයෙන් 2(සෙවි) ශ්‍රීලංසංබ වැලිකන්ද ප්‍රදේශයෙන් ආරම්භ වූ අතර පසුව 4 ශ්‍රීලංසංබ, 1 ශ්‍රිලංසංබ, 9 ශ්‍රීලංසංබ , 3 ශ්‍රීලංසංබ යාපනය දක්වා ගමන් කළේය.
31st March 2023 00:00:00 Hours
2023 මාරතු 29, 30 සහ 31 යන දිනයන්හිදී දියගම මහින්ද රාජපක්ෂ ක්‍රීඩාංගණයේ පැවැති 58 වැනි යුද හමුදා මලල ක්‍රීඩා උළෙලේදී ලකුණු 204 ක් ලබා ගනිමින් ශ්‍රී ලංකා සංඥා බලකායේ ක්‍රීඩිකාවන් අනුශූරියන් බවට පත්විය. කාන්තා මීටර් 100 ප්‍රථම ස්ථානය සහ ලාන්ස් කෝප්‍රල් කුමාරසිංහ කේ ජී ඩි එම් එස් කාන්තා මීටර් 800 ප්‍රථම ස්ථානය දිනා ගන්නා ලදී.
21st March 2023 08:27:00 Hours
තොරතුරු හා සන්නිවේදන තාක්ෂණ මූලික සහතිකපත්‍ර පාඨමාලාව අංක 129 සදහා බදවාගත් සෙනීන් අසූ අට දෙනකු සදහා නිල ලාංඡන පැලදවීමේ උත්සවය 2023.03.20 දින පවත්වන ලද අතර, එහි ප්‍රධාන ආරාධිත අමුත්තා ලෙස සංඥා පාසලේ සේනාවිධායක තුමන් සහභාගි වන ලදි.
21st March 2023 00:00:00 Hours
ජාත්‍යන්තර කාන්තා දිනයට සමගාමීව, ශ්‍රී ලංකා සංඥා බලකා සේවා වනිතා ශාඛාව විසින් සංවිධානය කරන ලද ගෙවතු වගා සහ ඉවුම් පිහුම් පිළිබද වැඩමුළුව 2023 මාරතු 21 වන දින රෙජිමේන්තු මධ්‍යස්ථාන ශ්‍රවණාගාරයේදී සංඥා බලකා සේවා වනිතා සභාපතිනි වන නාලිනී රත්නායක මහත්මියගේ උපදෙස් හා මගපෙන්වීම මත පවත්වන ලදී.
12th March 2023 11:33:48 Hours
ශ්‍රී ලංකා සංඥා බලකායේ සේවා වනිතා ශාඛාවේ නව සභාපතිනිය ලෙස නාලනි රත්නායක මහත්මිය 2023 මාර්තු 11 වන දින සිය දූරයෙහි වැඩ භාර ගන්නා ලදී. ධූරයට පත්වීමෙන් පසු 2023 මාර්තු මස මාසික රැස්වීම ද එම ස්ථානයේම පැවැත්විණි. නව සභාපතිනිය සිය මංගල දේශනයේදී සංඥා බලකායේ අසරණ සාමාජිකයින් සඳහා සුබසාධන වැඩසටහන් අඛණ්ඩව සිදු කිරීමට අදහස් කරන බව අවධාරණය කළ අතර, ඉදිරි මාස කිහිපය තුළ සිදු කිරීමට බලාපොරොත්තු වන ව්‍යාපෘති කිහිපයක් ද අවධාරණය කළාය.
12th March 2023 10:15:48 Hours
ශ්‍රී ලංකා සංඥා බලකායේ සේවා වනිතා ශාඛාව විසින් 2023 මාර්තු 11 වන දින ශ්‍රී ලංකා සංඥා බලකා නිලධාරි නිවස්නයේදී නික්මයන සභාපතිනි ශෂිකා හේරත් මහත්මිය වෙත සමුගැනීමේ උත්සවයක් සංවිධානය කරන ලදී.
27th February 2023 20:10:00 Hours
2(සෙවි) ශ්‍රී ලංකා සංඥා බලකායේ භට පිරිස් විසින් සුසුම්නාව ආශ්‍රිත ස්නායු ආබාධයකින් පෙළෙන තම සහෝදර සොල්දාදුවෙකුට නව නිවසක් ඉදිකිරීම සඳහා ඔවුන්ගේ තාක්ෂණික විශේෂඥතාව සහ ශ්‍රම දායකත්වය ලබා දෙන ලදී.
12th February 2023 13:25:43 Hours
7 වන රෙජිමේන්තුව ශ්‍රී ලංකා සංඥා බලකාය සිය 15 වන සංවත්සරය 2023 පෙබරවාරි 08 වන දින අභිමානයෙන් සමරන ලදී. සංවත්සර දින වැඩසටහනේ පළමු අංගය ලෙස අන්තර් බලඝණ ක්‍රිකට් තරග සහ වොලිබෝල් තරග 2023 ජනවාරි 21 සහ 22 යන දිනවල පැවැත්විණි
